香港文匯報訊（記者 梁靜儀）薛家燕(家燕姐)昨日到旺角出席美容中心開幕禮，家燕自爆最近收到粉絲傳來一張2008年拍攝的舊照，並指跟她現在相比更加年輕漂亮。家燕姐強調自己沒有整容，認為自然就最美，還有心態上會想着自己仍然青春，當然有戀愛亦好重要，她主張女性永遠都要談戀愛，就算在婚後都可與另一半製造浪漫，令荷爾蒙提升，人就會更美。
早前家燕姐自爆跟男友出現意見分歧情海翻波，當問男友氹返她沒有？家燕姐眼濕濕地說：「唔係冷戰，唔講喇，(男友唔搵你？)唔知點講，擺埋一邊先，工作先，佢問我乜嘢先重要，成日將佢擺第二位，我應該要反省吓，人生中邊個放第一位先，都同人生有個伴好重要。」家燕姐直言從小就熱愛工作，不能定下來，每日頻撲都是想將工作做到最好，好像獲邀到美國工作，突然間有幾單工作找她，女兒也問她點做到咁多？她也明白一支針很難兩頭利，自己都有不足之處。
問到反省後會否多抽時間陪男友？家燕姐表示要安排時間，因十月開始要四出演出。提到她可建議男友做「跟得男友」陪她出埠工作，家燕即說：「唔得，佢有工作，佢係唔鍾意幫我拎化妝箱的人。」