第六場､第三班､一八○○米。「有備而來」上季首捷時已勝來輕易，且壓倒三班三甲常客「歡喜心」，已顯示非池中物；至第二捷時表現更進一步，雖然受惠早段步速較慢，但能夠力壓再出贏田草千八米的「活力名駒」；而今次匆戰換熙仔減磅增程千八，慎防擺前走爆半冷W。
第七場､第三班､一二○○米。「索先生」七歲T布馬已累積三冠四亞一季，上季唯一頭馬就喺谷草千二殺敗「猴王駒」，拚後加五分再爭此程追入大冷Q，而打後五仗皆北，目的志在減分；上周三復出跑三班此程，五十三倍大冷門全程走勢點到即止，小心熱身後今次回配堯仔殺攤。
第八場､第三班､一二○○米。「天地人」何廄當打短途佳駟，上季尾一連四仗出爭同程跑獲冠亞各兩次，而且姿態有餘未盡，今仗即使處身三班仍有一定優勢。今季開操即見備戰按部就班，埋門備戰程序與上季相似，觀乎日前拍跳的走勢依然省鏡，是次練者更搵到雷神操刀出戰正宗路程，尾場正路首選。