第一場、第二班、一○○○米。呢場高班短途賽雲集唔少谷中能手，好似潘頓嘅「樂滿家」、同程專家「實力飛駒」、近三戰此程獲兩冠一亞嘅「天祿」同埋大馬主郭少明擺喺蔡�嘅初出馬「美麗滿紛」，屆時必會有一番龍爭虎鬥，當中博冷敲苗廄「開心神駒」，上季以七歲之齡得三贏兩位成績理想，馬房保養極之出色，今季轉八歲無保留之意，老馬利季初可捧場。
第二場、第四班、一六五○米。「爪皇烈焰」八歲馬雖然最近兩季無贏，但偶爾可跑入三甲，證明實力未盡退化，服役至今曾兩勝谷草一哩，上季初在三班評六十四分只不敵「放眼量」入Q，計班底居此一定高哂，只是呢匹馬跑法太過尺寸，陣上要準確掌握發力點，但目前來到四十九分水平非常有利，加上季內已有熱身之利，同場不乏名氣馬擔飛必有好賠率，半冷分頭絕對值得捧場。
第八場、第三班、一二○○米。「劍追風」上季尾轉投鄭俊偉馬房，本來是雷霆救兵幫手護級，結果錦上添花，成為鄭廄第十八場頭馬。「劍追風」加盟鄭廄後兩戰先季後冠，贏馬一役配陳嘉熙，臨場落飛大熱在谷草一哩一放到底，信心之強反映實力超班。呢匹剛踏正軌嘅北半球自購馬，在港起步分為八十八分，現評七十六分正處反彈浪，轉入摩廄後初步目標睇彈番上八十八分水平，計數已經有兩場頭馬在手，可作馬膽看待。