■江華從後攬住麥潔文時搞笑地叫太太收腰。香港文匯報訊 （記者 梁靜儀）麥潔文（Kitman）將於十月於麥花臣舉行演唱會，昨晚她與擔任嘉賓的老公江華一同綵排，兩人即場深情合唱《Miracle》，令到Kitman老貓燒鬚忘記歌詞，江華不單取笑老婆忘記歌詞，影相時他從後攬住 Kitman 時又搞笑地叫她收肚腩。
二人受訪時被問到是否經常在屋企鬥嘴？Kitman笑 說 ：「佢好風趣，卜卜脆個脆，講口才真係唔夠佢叻，所以我唱多過講，（演唱會上會唔會鬥嘴？）如果佢係咁就唔畀佢出場。」江華即踢爆是Kitman邀請他做嘉賓。為了個唱積極減肥的Kitman，被問到可要再減肥？江華即說：「算啦。」Kitman即笑說：「佢話算啦，即係減都冇用。」
江華即解釋：「我當然心痛佢，算啦，已經一百廿幾磅，再減就太索，無謂啦，咁索，驚佢太索令自己冇自信。」 Kitman自嘲都沒人吼。問到江華可有女仔吼？他一時口快快說：「我大......鑊，梗係冇啦。」至於個唱上他可會爆料？江華笑謂現在一定不夠她來，但如果在台上一定會令她沒還手之力。Kitman笑說：「摔角咩？」說到她剛才忘記歌詞，Kitman表示很少唱這首歌，這次是第三次現場唱這首歌，並不諱言記歌詞是個負擔，故開騷時不能沒字幕機。江華繼續單打太太說：「我聽講小鳳姐都冇字幕機，你好好學習吓。」Kitman又踢爆老公恨做歌手，江華就笑說：「咪玩啦，係都三十年前啦，不過唱歌的確係開心過拍戲。」