■吳綺莉昨日46歲生日，打扮得靚靚出席活動。香港文匯報訊 （記者 李思穎）吳綺莉（Elaine）和毛舜筠昨日出席美容中心開幕禮，適逢昨日是Elaine的46歲正日生辰，大會準備了蛋糕送驚喜，穿上閃閃短裙露出纖腰和騷長腿的她，心情大好，並透露跟女兒卓林關係有改善。而毛姐的曲奇餅店因廚房地方太細結業，雖然已物色到另一理想地方再展拳腳，但要視乎社會局勢先決定何時重開。
Elaine的生日願望是身體健康和大家平安，但就沒有擔心女兒卓林出入，相信她會睇住自己，提醒自己小心，她謂：「可能我在香港大，見得世面小，(女兒有送上生日祝福嗎？)不談這個了，要祝福日日都可以，卓林都記得我生日，之前我們有食飯，但沒必要專登食生日飯。」
Elaine承認跟女兒關係有改進：「大家識得避忌，知道什麼話可以講，什麼話不好講，去到某些位便要停，或者行開，便不會有拗撬，𠵱家我哋會傾偈，以前是家長同小朋友關係，現在是朋友關係，感覺舒服很多。」問到晚上如何慶祝生日？Elaine謂：「今日（昨日）頭髮搞了整個早上，返去洗頭都有排搞，晚上不會慶祝，過了18歲都不需要再慶祝。(生日工作好兆頭？)都係，越多越好，其實都無停過工作，(有否男士約食飯？)朋友食飯會有，但不覺有追求者，好大鑊，(要拋個心出來接受先得？) 冇人接撻落地咪仲大鑊，感情事會順其自然，都要遇到傾到偈又夾先得，好似同家人相處感覺，否則你眼望我眼，相處不來會好辛苦，(女兒有叫你搵個伴？)從來都無，會順其自然。」