■網民到軒仔IG批他在人民幣前跪低，軒仔立即反駁「我雙膝只跪我父母。」香港文匯報訊 修例引發暴力示威愈演愈烈，十月一日更演變成全港大範圍暴亂。張敬軒(軒仔）前天在微博轉發「央視新聞」「#祖國萬歲#，祝你生日快樂！」的帖子，並以簡體字留言「祝福祖國生日快樂！」，惹來一眾失智網民到其IG留言，稱對軒仔失望之餘。一向敢言的軒仔看到網民的留言，未有留手，以幽默方式不斷回覆，跟他們舌戰一番，表現出正義青年應有的態度。
有網友留言對軒仔說︰「你有冇一刻當過自己係香港人？有冇諗番五年前同大家並肩嘅時候係點？我知道娛樂世界好複雜，但係錢真係比良知重要咩？」軒仔回答他︰「點解成日都要話我出Post為咗錢啫，我唔係出個個Post都有錢㗎，你睇吓今次出嗰個......係我出番錢，仲要一鋪出晒。」
亦有網民聲稱寧願蝕住放飛，也不會睇軒仔的演唱會。軒仔回答︰「辛苦晒！我仲爭幾張飛，讓畀我，我環保回收，唔使你蝕。」
雙膝只跪父母
有粉絲指軒仔在人民幣前跪低︰「鍾意咗你咁耐點解要咁對我？？一直都覺得你同其他明星好唔同，但原來喺人民幣面前最終都係跪低咗。」軒仔不客氣地說︰「我雙膝只跪我父母。任何貨幣去銀行或找換店都有。」有網民指軒仔其實可以選擇不表態，但既然他現在表了態，就不要怪網民不客氣地留言。軒仔以兩個主題標籤「#抵X」及「#加大力度好嗎」來回應。
有粉絲認為軒仔在微博的留言是被迫寫的，軒仔說︰「幾廿歲人，迫與唔迫，又唔係搭車逼地鐵，講嚟做乜啫。你記得要帶眼識人，尤其係我呢啲咁嘅藝人，咁嘅人唱埋啲咁嘅歌再聽都嘥時間。有heart嘅歌手喺呢個地方愈來愈少，你千萬要好好珍惜！」有歌迷留言對軒仔表示失望，指軒仔從前是他鍾意的男歌手，一直很欣賞他的才華及品格，但估不到他是黑白不分的人。軒仔自嘲︰「我簡直係個仆X #不如」