■泳兒今次拍MV要落水。香港文匯報訊 下周三於九展舉行「重新感應泳兒演唱會」的泳兒（Vincy）日前推出新歌《花心》，MV前日上架。Vincy表示《花心》則透視人性內心深處，「每個人心深處都會有一啲渴望、貪心或者花心嘅念頭，心裡面有啲嘢好想做又唔敢做；又想做呢樣、又想做嗰樣，我覺得『花心』係人嘅本性，冇對或錯。」
MV拍攝方面，Vincy透露是暗黑系列的延續，「延續《野木蘭》內容，《野》MV講天使同魔鬼慢慢轉化成人，到《花心》就係當佢哋變成人之後，佢哋會想做啲乜嘢呢？做咗人之後又會唔會係佢哋想像中咁開心、咁多姿多彩？」Vincy在新歌MV中飾演Falling Angel，她轉化成人後，擁有超自然能力，所以MV中會見到不少她潛浮的鏡頭。
上次攀山，這次則要下海玩濕身，Vincy說：「今次冇咁曬，今次主要係落水。我要浸喺水入面，但臉唔落水，導演諗住只係浸一下，但係我敵不過大自然，因為啲浪一沖過嚟，有一嘢大家都『嘩』咗一聲！成個浪整落我塊臉，都飲咗幾次海水。同埋雖然唔係喺水入面浸咗好耐，但一上水就發覺浸到皺晒皮，哈哈。」