狄以達香港文匯報訊（記者 梁靜儀）狄以達（達仔）昨日到新城電台接受訪問，近日忙於打理舞蹈學校的他，表示剛於旺角開設第三間分校，而之前發生火警的九龍灣店，經修復後已沒事。
說到市道不太好可有影響生意？達仔直說：「其實經濟好我哋都唔太受惠，我哋啲課程都係以學期咁計，學生多數係中、小學生，因為三間學校喺旺角、九龍灣同將軍澳啲高峰險地區，反而擔心學生出入、車程問題，學生返唔到學都有cut堂，所以會做返多少少Online，用拍片形式教學，畀佢哋喺屋企跟住嚟學。」雖然課堂影響不算大，但達仔直言在商場舉行的舞蹈活動就有些影響，有好幾次都差點要取消，幸好最後都能順利如期舉行，他很多謝某些商場，就算冇落實依然租借出場地讓學生表演。
管理舞蹈學校感吃力
問到可會再開分校？達仔表示有意在屯門或元朗開分校，但要先處理行政及人手問題，因現時管理三間學校都頗吃力，好感恩有很多舊生回來幫手做導師，而他就主要負責訓練導師。他又有感而發說：「我覺得跳舞可以幫到年輕人暫時放低唔開心，見到唔開心嘅學生，自己都會做心靈輔導。」
提到他早前被拍到跟前度女友、港姐冠軍陳曉華（Hera）約會，達仔即表示現已不敢再約對方食飯，這是唯一一次，但都被人影到。他坦言大家有班共同朋友，私下有訊息聯絡。追問到可會翻撻？他笑說：「現階段唔諗住，現在只係諗旺角、九龍灣同將軍澳（三間跳舞學校）。（將軍澳咪啱囉？）都難。（Hera難追？）係學校難管理。」 久未推出新歌的達仔表示原打算在六、七月推出新歌，但有感現在不是適合時機，現決定延期明年才推出。