【資料速遞】理想回報連珠炮發

2019-10-11

做人之道不外兩樣，一係搵夠唔憂，一係與時並進，為未來築靚條路；前冠軍見習生嚴顯強，九八年事業如日方中無端端捲入造馬案風波，停賽多年協助調查，最終證實無辜，但事隔一段日子復出失晒支持而斷送騎師生涯。不過嚴顯強停賽嗰陣，一心學習投資之道，成功過失敗過又從頭嚟過，依家係上市公司執行董事，太太喺港鐵做到好高級，佢早年以團體馬「九天銀河」晉身馬主行列，之後同戴偉賢合夥養「理想回報」。戴偉賢過去兩隻「幾叻仔」，期間有「快步速」都由嚴顯強贏過三場。如今正式攜手養馬又剛贏完，估計會連珠炮發。