【資料速遞】洪荒駿駒繼續打拚

2019-10-22

一九九四年亞洲小姐冠軍李妮曾經是博愛前主席，近年養有馬匹經常進入馬場，目前名下養有「洪荒駿駒」及團體馬「好甜橙」，兩駒都係中下班次好馬，「好甜橙」今季初出經已順利贏馬交代，至於「洪荒駿駒」季內三戰兩度屈居亞軍未竟全功，今次捲土重來決心坐正。「洪荒駿駒」可算是一匹低班全材馬，因為牠競逐田草、谷草和泥地三個場地都合適，因此易於部署，加上季內只跑了三仗，現時狀態一定提升至最好，上場轉去泥地出擊，當日場地大利放頭馬，此駒後上不利形勢下都見收復不少失地，今次重返谷草偏差無咁嚴重，料取得季內首場勝仗呼聲高唱。