【資料速遞】軍民歡戰意十足十

2019-10-22

韋達今季開倉唔少馬慕名加盟而來，但亦有如「志在四方」般，與幕後早有認識，今次韋達有另一嫁妝馬「軍民歡」上陣，熱身再來應可提升名次。曾於英國光榮古活賽期勝出，抵港後在葉楚航馬房只取得兩捷，與預期有點落差。由於屬已征戰兩季的舊馬加上無甚脾氣，故賽前韋達親跳次數不多，反而一直由沈拿及貝力斯輪流主課，果然陣上表現一般，「軍民歡」谷草一哩五戰當中四次有獎金收，上季初便於同程韋達胯下行過「福威勝」贏馬而回，上次季內初出輕鬆跟返可當一課試閘，以練者跟幕後交情，估計唔會再久等，屆時有分頭值博。