第三場、第四班、一六五○米。「火百合」上季轉戰谷草一哩四戰全上名，負於對手包括「好利運來」、「錶之皇者」及「轉數高」等，全部都是四班超級馬；上次季內初出馬房打王牌再爭同程，賽前試泥閘起步稍慢，惟直路追上走勢毫不覺懶散，以中長途馬來說狀態在水準，果然在陣上即以輕鬆姿態報捷；環顧今組對手既無上述此等超級馬在，而本身跟前跑法夠主動能佔得先機，只要一早咬前守靚位發揮，有望再增添勝仗。
第四場、第四班、一六五○米。「陽明亮亮」今季初出即在谷草千二米跑得第三名，上次馬房安排增程出爭一哩，雖然此駒未贏過同程，但上季尾已主攻中距離，而且跑得接近，長力可以話試到準，果然力拚之下走入亞軍只不敵「一舖成名」；今次同場快馬不多，此駒按理可跟守好位競逐，只要直路取位順暢，等閒對手應不易抵擋其後勁，有望補中。
第六場、第三班、一二○○米。「明駿之星」上季在田草千二米兩捷後，升上三班即轉攻谷草並敗北，今季初出依然渡江列陣，結果初配田泰安得第三；上場莫雷拉寧做後備馬「舞士精神」騎師，結果「明駿之星」續配田泰安順利贏馬並壓倒後備補入的「舞士精神」，贏唔出奇但姿態輕鬆得令人咋舌；賽後只加六分，今次原班再戰，貼欄搶頭或守好位一樣好跑，連捷不難。