今晚谷草安排八場賽事，以全闊A跑道作賽，頭場晚上七時十五分開跑，全晚並無盃賽設立。練馬師方面，方嘉柏及呂健威均派出多匹實力馬參戰，值得留意動向，半冷可吼霍利時及鄭俊偉。騎師方面，雷神及潘頓當要重視，揀邊線馬不妨向沈拿及史卓豐埋手。
第一場、第五班、二二○○米。「金童」（圖前駒）前季在五班谷中一哩贏馬後，在四班田草千八也能再添進帳；去季卻只在四班得一亞一季；今季跑過兩次五班谷中一哩及千八，上回增程搏殺蝕追得第三，馬老加速力轉慢，今次轉爭谷草大長途，翻查前季曾在田草二千二上名有氣量證明，可再追一趟。
第二場、第四班、一○○○米。「旅遊拿督」今季已六歲，但仍是處女馬，上季在四班得兩亞三季，全是在谷中上名；上次季內初出谷草千二，已有心蓄銳出擊之意，郭能發揮亦見功架，一檔起步快閘守在前領馬之後，入彎兜出中疊打衝鋒，可惜終點前影相僅輸頭位未竟全功；環看今組對手實力非強，可望把握機會贏馬交代。
第三場、第四班、一六五○米。「火百合」上次出爭谷草一哩復配莫雷拉，起步醒目一早沿途前置守在三、四位之間，等入直路率先發力透出，就此直奔終點贏半個馬位打開勝門；開竅後今次續爭四班此程，憑着當銳氣勢有力再締佳績。
第四場、第四班、一六五○米。「活力寶駒」回看上季尾最後一役爭谷草千八，沿途蝕位走三疊，也僅被今季兩捷馬「榮冠大道」賺盡形勢後衝過，而該仗冠、亞軍「自然君子」及「綠色勁駒」皆在今季有好演出，足以證明本身居四班必有分在手；今次續爭一哩跑法可攻可守，幕後恨贏戰意十足。
第五場、第四班、一二○○米。「晨曦飛馬」前仗無法逼近「發財寶」，或許會有人認為其亞軍水準也未必太高，不過從好的方面看，馬兒去季兩戰谷草一千也能後追接近；上賽當日四班千二米分拆三組，本身所處場合水準不高，此賽除了自己之外，全場竟無一駒在對上一仗跑入三甲，故此這仗以熱門勝回一場順理成章；方廄馬踏上正軌後必越跑越進步，今賽只要快閘放出，可坐定粒六。
第六場、第三班、一二○○米。「明駿之星」前仗季內初出谷草千二，埋門WQ起飛，結果賺慢步速但完全未能逼近頭馬「天地人」，老實說所跑第三不算叻，不過憧憬蔡廄馬熱身後會有進步；果然三周後再爭同程，就喺田仔胯下以前置跑法取勝；今次加六分仍留三班搵食，轉由鬥志十足的李寶利仍有分頭，可信賴作為馬膽視之。
第七場、第三班、一六五○米。「有備而來」苗禮德五歲馬，上季曾在同班同程取得兩場頭馬，而近兩仗可能是評分有阻力的關係，所以表現不似預期，因此上次苗禮德特意找來見習生陳嘉熙減十磅出戰，在同場沒有明顯快馬兼排一檔的情況下，相信有力一放到底，可是馬匹入閘後脾氣暴躁下被逼退出比賽冇跑，得以保留體力出戰今場谷草一哩；賽前慢踱考驗火氣上揚，誠屬三甲捧場對象。
第八場、第三班、一八○○米。「任我行」上賽刻意轉戰沙田跑千八米，大摩明顯有心要配合由馬王「美麗傳承」帶領的大軍，同日搏盡求大豐收，可惜「任我行」卻無田戰根據，跑開嘅潘頓亦放手揀同場「我願意」上陣並跑第三，結果「任我行」留得太後只跑回一席第四，不過馬兒縱排劣檔，末段仍可追近乃實力表現；這類新馬一旦成熟有進步，且上季曾跑二千練過長力，今次回師千八應係出手時候。