【資料速遞】雙天至尊窄場通殺

2019-11-05

香港馬圈競爭激烈係人都知，如果練馬師想馬主長期支持，當然要交出頭馬，好似「管之星」能力唔算叻，呂健威上季總算幫匹馬贏番場交代，馬主何應財亦係熱門團體經理人，「雙天至尊」順理成章亦交俾威哥訓練。「雙天至尊」去季出道兩戰冇嘢睇，今季首戰谷草千二雖然只跑第十，但末段時間廿二秒七六係全場最快，快過同場第六名「轉數高」，後駒之後再出贏甩晒，上場直路走內欄又閃閃身跑近，照咁睇「雙天至尊」真係有進步，今次「管之星」又安排同晚上陣配合出擊，話唔定呂健威想一炮雙響，為何生炮製一口孖寶威威。