■阿嬌認為做媽媽是緣分，不可太強求。香港文匯報訊（記者 梁靜儀）鍾欣潼（阿嬌）、余安安、凌文龍、賈曉晨等人昨日到九龍灣出席電影《失蹤》首映禮。被傳準備做媽媽的阿嬌表示這件事是緣分，不可以太強求，但她透露之前已雪卵3粒，希望老公可以配合。
事前已表明因工作關係不接受訪問的阿嬌，在台上談到盛傳準備做媽媽一事，阿嬌說：「做媽媽係緣分，唔可以太強求，之前我雪咗3粒卵子，希望老公可以配咗先，唔得再計劃。3粒卵子太可憐，現時仲雪藏緊。」
相隔十多年再與阿嬌合作的余安安，大讚她比以前成熟了、演技亦好了。因早前出海受傷，余安安現時出入也要人扶，雖然如此但仍貪靚穿上高跟鞋。她在台上透露有兩條肋骨斷了、一條裂了，現時不能太大動作。原本醫生說要八星期才可以痊癒，可能她平日有做運動，進展理想。
之後余安安與契仔凌文龍一起受訪，談到她的傷勢，她笑說：「我以為自己仲係26對（歲），出海時喺船撻咗落海，初時痛到瞓唔到，現在都仲要食止痛藥，行路好似殭屍咁。」由於不能太大動作，着衫要家中傭人幫忙，幸好未有影響工作，但早前生日很多飯局要取消。她笑言以後要記得年紀不小，平日動作會很快，現在就會慢動作，而生日願望是身體健康。
凌文龍指契媽平日動作快又急，現在就會叫她慢一點，有時她口痕，自己就做外賣仔買食物給她。余安安大讚契仔乖，皆因怕她在家中休養太悶，更買了玩具積木給她砌訓練個腦。
提到與阿嬌再度合作，余安安指阿嬌婚後更成熟：「以前好sweet好可愛又靚又乖、好嬌嫩，現在人生經驗多咗交流多咗，大個女識照顧返我，有靚嘅化妝品又預埋畀我。」
JJ不覺曾被阿叻冷落
現時定居北京的賈曉晨（JJ），生女後少了幕前演出，她說：「真係少咗好多工作，但一年都有幾套電影拍，時勢又不停變動，好多都用新人，我已經係舊啦，我又要湊B成日匿喺屋企，機會相對少，不過好嘅係現在演啲角色類型唔同咗，現在可以演好cool、成熟同有經歷嘅女人。」
談到囡囡本月18日便兩歲生日，JJ表示會帶她到水族館看海洋生物慶祝：「佢見到啲動物就開心到癲咗，聽音樂就會唱歌、跳舞。」問到會否再生BB？她笑說：「生一個已少咗好多工作，再生就失業，暫時唔諗住，工作為先，我都鍾意拍戲，生仔順其自然。」
另外，談到早前有藝人指當年被陳百祥（阿叻）冷落，曾是阿叻旗下藝人的JJ表示最近忙於為女兒揀學校，所以不知香港的新聞。她又稱阿叻是她的老闆，但沒有對方聯絡電話，都是透過經理人聯絡。笑問她當年是否被冷落？她說：「 從來都唔覺，我又冇諗（冷落）呢啲問題，冇工作就匿喺屋企做宅女。」