■郭羨妮透露之前拍電影《尋秦記》好辛苦。香港文匯報訊（記者 梁靜儀）郭羨妮昨日到馬鞍山出席《第七屆Terry Fox Run慈善跑》，她表示平日愛「宅在家」，難得出來做運動及曬太陽，又可籌款，覺得很有意義。受社會大環境影響，郭羨妮坦言她與老公的工作都明顯減少，但她會樂觀面對，覺得反而可以多抽時間陪伴愛女。
郭羨妮（Sonija）指本來就讀二年級的女兒Kylie都想來參與活動，但因為要應付測驗要溫習所以未有出席。她坦言是緊張媽媽，女兒測驗她都好緊張，怕她不懂溫書，也有陪女兒溫書，自己好像重新讀書一樣，但女兒嫌她煩，說不需要她陪，自己會搞得掂。
定送愛女到加國讀大學
問到女兒成績如何？Sonija說：「成績麻麻哋，英文最好，都覺得佢讀書好大壓力，我都大壓力，因為佢係傳統學校好嚴謹，都有諗過轉去讀國際學校，或早啲過加拿大讀書，觀察緊，不過大學就一定返加拿大讀，開心啲。」
Sonija指女兒的學業一直由她全權負責，因內地武指老公朱少杰忙於工作，問到老公的工作有否受大環境影響而減少？她說：「老公工作係少咗，因為有好多規限，又好多嘢唔拍得，我啲工作都有受影響，但我樂觀面對，工作少就多啲時間陪個女，工作多係賺多咗錢，但就少咗時間陪個女，會開心面對。」
問到會否再拍劇？Sonija：「我呢個年紀拍都會揀啲未演過嘅角色，之前拍完電影《尋秦記》，因為時間長，喺室內攝影棚又冇冷氣又熱，戲服又厚自己要求又高，拍到最後都好辛苦，想身體好啲再拍。」