■苑瓊丹以經典角色「龜婆」古裝造型上陣。香港文匯報訊（記者 李思穎）苑瓊丹（苑仔）為香港開電視拍攝新節目《開工大吉77》，主要是推介該台每周的節目精選，故此，苑仔要緊貼節目表，了解一周精華所在。
日前她為節目開工，特意搞搞新意思，以經典角色「龜婆」古妝造型上陣，誓要為節目打響頭炮，她為防有失，不惜服食安眠藥令自己盡快入睡，免得開工遲到，她謂：「第一日開工，前一晚搞到要食兩次安眠藥，因為我好耐都冇拍早班，擔心會唔知醒，好早就食藥瞓覺，點知隻狗半夜嘈醒咗我，又食多次！沒多久又熱醒，我就唔敢再食喇，怕自己暴斃做咗頭條，哈哈。」
苑仔經常香港、內地兩地奔波公幹，唯有靠電話控制期表：「現在科技先進，內地都可以mark香港個期表，所以阻止唔到我努力工作㗎！今次為咗節目效果，仲要出埋私伙衫，因為龜婆造型太經典，人人都認得，只要觀眾睇得開心就冇所謂。」
今次她應老友邀請，所以一口答應拍攝，但為免傷害圈中好友，預告節目「唔爆料」：「又唔係唔爆，係唔講傷害性說話，以前講邊個邊個鹹豬手搞到滿城風雨，唔好喇！今次同大家分享片場小秘聞，將不為人知一面講畀大家聽，等有心人知多少少，有興趣咪入行做我同事囉！」