第二場、第四班、一二○○米。霍利時馬房的「上捕先鋒」，五歲南非自購馬上季插三班八十分起步，勤跑減分之下今場已去到五十三分在四班區域，前仗谷草同程跑近，上場忽然轉戰泥地千二米，由於排外檔關係全程游在外疊，但直路都維持勁勢跑第五；今次重返谷草上陣，同場有大樹遮蔭之下點唱都唔會熱，今場有權一擊即中。
第七場、第三班、一六五○米。霍利時馬房的「超趣」，在英國由沈國基訓練，曾出賽十次獲三冠一亞一季，曾勝千四米膠沙及兩捷於千六米草地，此駒與曾在港勝出田草千六米的「美麗威威」為同母半兄弟馬，曾參加大不列顛錦標，於三十匹馬場合在中間位置過終點，能應付英國細馬場上山落斜賽道亦具膠沙地經驗，性能出路廣泛，上次牛刀小試已第二，今次有力補中。
第九場、第二班、一六五○米。「合拍威龍」開季兩個月內已在谷草兩戰，獲一冠一亞佳績，由於摩廄練到今季尾就散倉，據知個別人士已準備同大摩分身家，唔係話要即索，起碼要做定啲聯繫工作，聽講「合拍威龍」希斯早早就吼住，並向馬主周表示希望下季可以收歸旗下，翻查馬主十幾廿年前，已有「威龍」及「游龍獻瑞」擺喺希斯馬房，咁希斯都好君子，與舊相好強調只係一心再續前緣，估計大摩現階段亦不會保留益下手，值得吼住。