■陳煒和朱晨麗在劇中是好姊妹。香港文匯報訊 無綫花旦朱晨麗（朱朱）有份參演的台慶劇《多功能老婆》就快開播，日前朱朱竟然玩變臉變成「黑臉女神」，她還和一班姊妹「黑口黑面」對着大家，但其實是敷黑色面膜，十分搞笑！朱朱在劇裡飾演好喜歡打扮的靚太，好喜歡Shopping、買衫、修甲、美容，還特別喜歡敷面膜，經常會買好多新款面膜同姊妹們分享，就算姊妹們不喜歡都要逼姊妹試用。現實中是慳妹的朱朱，在劇裡一嘗購物狂滋味，還可以借機會敷面膜美容，所以拍得好開心。
說到打扮，原來現實中朱朱好喜歡網購，而且是「格價專家」，為了格價及買平貨，多難找的購物網都會找到，她仲自爆是網購能手，朱朱笑着說：「上網買嘢平好多㗎，好多時拍劇未埋位冇乜嘢好做就會上網買衫，主要買定平時做訪問，出席活動、商演時穿，我唔一定要買名牌，喺網買嘅衫都好靚又平，最緊要唔使出街，拍劇太忙，根本冇時間逛街買衫。就算出街，都係極速Shopping嗰隻，我會一早搵定目標，睇準了款式、顏色、尺碼，查定店舖位置存貨，去到店舖就會即買，好快手，試都唔使試，買完即跳上車。」