第六場、第三班、一二○○米。今場博半冷門喜歡「永同歡欣」，上賽此程最後四百米時間為廿三秒零八，比當晚另外四場同程分別快零點二八秒至零點八三秒之多，形勢上對後追馬頗不利，此駒能夠造最快末段追入第四難度並不低。上周三取消賽事未能上陣，今次匆匆報戰見決心，起步頭段若早點找到遮擋，交回上仗之竄勁已夠贏。
第八場、第三班、一六五○米。容天鵬馬房匹「狂舞派」係谷草一哩專家，上季跑五次就已經交出一勝三位好成績，而最差一役都只係跑第五名，上陣全部有獎金收，演出十分之忠心及準繩。「狂舞派」今次唞足半年先至復出上陣，操練正常狀態已經嚟咗，並且充滿新鮮感，部署都係等番最擅長嘅一哩跑，復出即勝應可以做得到，配合馬房大攻勢而來應是纜躉之一。
第九場、第三班、一二○○米。暑期由蘇偉賢轉至容天鵬嘅「手到回來」，舊年十二月出戰二班田草千二米，同二班中堅「精算風暴」你一步我一步，「手到回來」係唔好彩嗰隻，影輸屈居亞軍，季軍隻「百步穿雲」目前喺二班屬實力分子，反觀「手到回來」不進則退，一直出唔到頭，評分跌至現時七十二分，如果「手到回來」當日影贏，就未必會轉馬房，容天鵬接手之後亦落足心機，賽前試足三課大閘先報名出賽，有班底嘅馬隨時變身。