■馮盈盈表示會力撐麥明詩。香港文匯報訊（記者 梁靜儀）馮盈盈、 麥美恩、劉穎鏇、張寶兒等昨日於電視城拍攝節目《學是學非》，新一輯並加入戴祖儀、陳詩欣及何泳芍三位是非精，合共有九位是非精。
馮盈盈表示已做了三輯主持，雖然加入節目時間不算長，但見證了很多人加入，她笑說：「可以挑戰韓國少女時代的級別，或者可以參考外國選秀節目，組成《TVB 48》，不斷加入新人或者篩人。（怕唔怕被篩走？）唔怕，有競爭至有進步，平時開工大家見我哋好似玩，好似好開心，其實好認真。」
盈盈之前曾在節目中扮動物，而新一輯節目就被安排了新角色和崗位，要去小學跟小學生玩，她說：「我做慣《#後生仔傾吓偈》，冇人畀到反應我，得老師笑令我有挫敗感，變咗真係『兒童不宜』。」
戴祖儀因失聲唱歌要咪嘴
談到她在《#後生仔傾吓偈》中的拍檔麥明詩（Louisa）與無綫轉合約形式，盈盈表示支持對方：「Louisa有新嘗試係好事，知道佢鍾意不斷挑戰，佢有呢個決定唔意外。（有傳Louisa畀你爬頭，意興闌珊？）唔係，我哋私下係好拍檔、好姊妹，Louisa係一個有獨立主見的女性，唔會受外圍因素或其他人影響， 佢有呢個決定係發自內心經過深思熟慮 ，絕對唔關我事，我都衷心祝福佢。」
新加入節目的戴祖儀被問到能否嘈吵嗰一班師姐？她笑說：「斯文同文靜係我座右銘，不過同佢哋出完台灣Trip，我鬥到聲都冇埋，仲因為失聲連唱歌都要咪嘴，本來我要上節目都要取消，想喊。」她又自我安慰指這是個磨練，每個成功歌手都會經歷過失聲。何泳芍笑言加入《學是學非》要練好丹田，才能蓋過麥美恩把聲。