■苑瓊丹(右)邀請譚惠貞即席跳舞拍直播。香港文匯報訊 導演譚惠貞日前接受節目《開工大吉77》苑瓊丹訪問，大談導演工作苦與樂，其間苑仔邀請譚惠貞即席跳舞拍直播，嚇得對方不知所措，笑指：「我唔敢睇呢一集，我以為今日只做訪問咋！」
譚惠貞表示，每次開戲前必須了解演員的過去，所以每次都會細睇以前的專訪：「我哋要知晒佢性格，鍾意點演戲，所以每一部電影、每一篇訪問都唔放過，而開拍之前更要約見面，傾清楚方向同要求，咁去到現場大家就可以一拍即合！」
苑仔笑指譚惠貞多次參與大片製作，自薦參與對方下一部電影拍攝：「拍完我都抄佢電話，問佢想唔想返內地拍戲，如果有，梗係要預埋我去演啦！佢之前拍親都係巨星，好似劉嘉玲個啲，但淨係未同我合作，哈哈，所以我唔可以畀佢有遺憾，當畀個機會年輕人！」