■黃建東和蝦頭再度飾演一對搞笑夫妻。香港文匯報訊 無綫藝人黃建東（東東）和楊詩敏（蝦頭）繼早前惡搞聖誕特輯及《延禧攻略》後，最近更惡搞《多功能老婆》，再度飾演一對搞笑夫妻，變身成為「多功能夫妻」。東東笑言二人成為了TVB另類金童玉女：「蝦頭是我最愛的女演員之一，每一次合作都很享受，因為她的搞笑和創作能力很厲害，而且我覺得佢骨子裡真的很性感。今次我要着住條超短孖煙通擘髀拍攝，實在是犧牲色相，希望觀眾唔會睇到太反胃。」今次這條片是衰婆篇，過幾日會再出一條衰公篇，東東稱到時會扮周柏豪。
另一邊廂，蝦頭都覺得跟東東做貼地夫妻是最好的拍檔：「我哋大家都好信任對方，而彼此又肯即興度橋創作，所以每次合作都可以刺激對方演出，好有火花，笑料滔滔不絕。今次更加係我第一次扮豬笑，睇到大家咁鍾意真係好開心。」