■高Ling（右）教Ali唱歌小竅門。香港文匯報訊 （記者 梁靜儀）汪明荃（阿姐）、李佳芯（Ali）、高海寧（高Ling）、黎諾懿、吳若希、丁子朗、JW、何超蓮及林盛斌 (Bob)等，前晚於電視城為《娛樂大家》最後一集錄影。
一身閃片服飾現身的阿姐，十分風騷地不停轉身擺甫士讓傳媒影相。阿姐表示很多謝台前幕後的付出，及每次都將她打扮得靚靚，而最後一集邀請了以往在節目中玩得叻的嘉賓再玩一次，問到她可有不捨？阿姐說：「一定會，但暫時仲未有呢種感覺，因大家仍好開心，今次對我嚟講都係新挑戰，學識唔少新遊戲，又認識到新一班食腦嘅娛樂家族。」
阿姐學識不少新遊戲
Ali認為玩這個節目蠢的反而會贏，高Ling笑說：「幸好我冇贏過，我上次玩狼人殺比較好，但唔係高手，全部人都唔信我嘅說話。」Ali笑謂：「即係全世界都以為妳扮豬食老虎，其實真係豬。」Ali自言玩chitchat最「叻」，經常一開口就自爆，會保持這風格，而她應該會與黎諾懿一隊，相信會負負得正。高Ling笑指黎諾懿和楊明都是豬隊友，Ali更笑道：「男人都係衰。」
聖誕將至，高Ling表示會相約朋友開派對食羊腩煲，因她近排在學煮，味道也不錯。