■周柏豪香港文匯報訊（記者 梁靜儀）周柏豪昨日到電台宣傳，剛為人父的他大談湊女經，表示照顧了B女十日已習慣，女兒都算易湊，感覺拍劇更辛苦。
柏豪直言現時每次出門工作都會不捨得離開女兒，很想快點返屋企照顧太太和女兒，最喜歡是幫女兒換尿片，因不論太太還是陪月換尿片，女兒都會喊，唯獨是他換就不喊。他又自爆試過一時情急下掏手接女兒的便便：「感覺完全唔核突，有啲似蟹粉小籠包啲蟹粉，手上仲有一陣餘溫，感覺好冧，可能知道係出自自己身體。」
至於B女的名字，柏豪表示還未改名，會問風水師傅意見，暫時都是叫「囡囡」。問女兒是否旺父？他笑說：「囡囡係擇日開刀生，最緊要旺媽媽。」他又謂陪太太入手術室生B後，更覺得女人很勇敢和偉大：「佢開住個肚仲話冇問題，又反過來安慰我，叫我唔好嚇親醫生，因為我一坐低就喊，覺得好心痛，女人真係好堅強，現在更覺得男人唔應該有任何投訴，做好本分就得！」問到會如何獎勵太太？渴望生「仔」的他笑說：「獎她再生，最完美當然係有大女同細仔。」有傳他在清水灣購入豪宅作為獎勵太太的禮物？柏豪稱是去年的事，價值四千萬，一家三口已入住。至於老婆再生會否加碼？他笑說：「先要努力工作，其實老婆冇咩要求，令我更加想送嘢畀佢。」