■輝哥擊敗吳孟達、杜江膺「最佳男配角」。香港文匯報訊 張兆輝（輝哥）日前出席《2019第十一屆澳門國際電影節》，輝哥憑電影《催眠．裁決》奪得「最佳男配角」，擊敗吳孟達、杜江、李雪健及歐豪等強勁對手！
輝哥在片中飾演鄧兆強一角，並在台上大談得獎感受：「首先我要多謝我嘅師兄杜琪峯，佢帶我入咗電影圈，多謝《催眠．裁決》嘅投資方、監製同埋三位導演黎兆鈞、施柏林、劉永泰對我做呢個角色嘅信任！我嘅人生一直都唔係風平浪靜，經歷過好多高低，好多謝一直喺我身邊支持我嘅屋企人，我嘅朋友、我嘅兄弟在心中，你哋令我灰色嘅人生加添色彩，多謝曾經同我合作過嘅每一位電影人，多謝《澳門國際電影節》給我一個肯定，我真係好鍾意電影、好享受每一場戲，我會繼續努力，多謝大家！」
結束頒獎禮後，輝哥即與好友及投資方慶祝兼做冬，輝哥說：「得獎後已經有好多投資方同我傾啲新合作，希望將來我嘅演藝事業可以再為大家帶來驚喜，再一次多謝大家鍾意鄧兆強一角，我會再同屋企人慶祝。」