■余香凝以一襲低胸連身長裙現身首飾品牌活動。香港文匯報訊 余香凝（Jennifer）近日受邀出席珠寶品牌的發佈活動，當天她以一襲低胸連身長裙登場，盡顯女性曲線。平日罕有性感示人，Jennifer笑言藉此一圓公主夢：「今次出席首飾品牌嘅活動，真係好開心，因為每次都可以着得好靚，試戴好多好靚嘅珠寶，覺得自己好似公主咁！」
Jennifer經常有機會戴上高級珠寶，而她自爆每次都要禁水：「自己試過將價值七位數字嘅首飾戴上身，之後就唔夠膽飲水，因為我驚去廁所，洗手除低隻戒指就唔見咗，所以全日只係飲幾滴濕吓口。」
提到第一次購買珠寶的經歷，Jennifer笑言：「以前試過買手鏈畀媽咪做生日禮物，記得當時仲讀緊書，同妹妹一齊儲零用錢，不過冇乜經濟能力，只能夠買純銀。」Jennifer又透露：「媽咪有買定龍鳳鈪，留畀我同妹妹做嫁妝，不過我應該冇咁快戴到喇，之前有玄學師傅贈言，話我呢幾年冇桃花！」