第二場、第三班、二二○○米。「尖子」父系「帶利吉利」為近代法國最出色馬王，服役時九戰八冠一亞，勇奪法國打吡及凱旋門大賽等四項一級賽，「帶利吉利」退役配種後亦將氣量與質素遺傳到其子女身上。「尖子」與其父同屬灰色，性能遺傳亦偏向慢熱且宜長途，來港前在法國及德國上陣已贏至二千及於二千四百米德國打吡跑第七；今次越程上二千二可見真章。
第七場、第三班、一六五○米。「盛大光輝」從賽績上看，此駒無疑以谷中一哩最首本，歷來所獲的一冠兩亞全在同程取得，因此季內先後四次出爭沙田，根本敗不作準；其實前仗泥地千二路程嫌短還要抽十一檔，早段包尾之下，單單一條直路追回第七只負四位多，表現已相當不俗；上次加程返谷草一哩抽到莫雅執韁，放到最後一步才被趕過得第二；今次繼續攻谷中一哩，比上季入Q時更低兩分，爭勝條件可以話相當充分。
第八場、第二班、一六五○米。「孖寶兄弟」來頭絕不簡單，三歲雄馬六戰得三冠兩亞，來港前最後一仗角逐二千四百米二級賽英皇愛德華七世錦標，馬會亦有轉播，當時譯作「事務秘書」，結果喺戴圖理胯下跑第四名，不敵啱啱捧走朱德望國際錦標嘅「日出之國」，卡士唔簡單，再配合本身兩戰二千米全勝，估計係蕭家圓打吡夢棋子，今次初出憑質已有權講惡。