■溫碧霞將與老公Kenny及老爺、奶奶倒數迎新年。香港文匯報訊 溫碧霞（Irene）今個聖誕好開心，攞咗長假期飛完峇里再飛去美國紐約跟老公Kenny的家人齊齊整整過聖誕，並且倒數迎接新年。
Irene趁囝囝Xavier學校放聖誕假，一家三口舉家飛往美國紐約陪伴老爺及奶奶過聖誕。 Irene話：「今次可以同家人一齊慶祝聖誕，老爺、奶奶見到我哋咁齊整齊晒人好開心呀，連同Kenny嘅表兄弟妹，超過40人呀，好大家族，非常熱鬧，大家都玩到好開心，希望暑假可以再飛嚟紐約探望老爺、奶奶。」
Irene表示紐約好凍：「每次到紐約我必定去中央公園、圖書館，同埋一定去展覽館睇展覽，呢啲地方對我嚟講有一種好特別感情，每次都一定要到一到回味呢種感覺。」
總結過去一年，Irene十分滿意，不過放完假後，2020年1月回來就要重新出發馬上開工。