■「國難士多」圖煽動12歲細路暴衝。 fb截圖「黃絲」把口就話要「救救孩子」，事實就專呃細路，推佢哋去前線做童兵、擋箭牌、揹重罪。一路借賣武裝畀「義士」發大財嘅「國難士多」，就喺fb分享咗3幅佢哋同的12歲、13歲嘅學童「做買賣」嘅對話截圖，裡面提到啲??仔原來好辛苦咁儲錢搵佢哋買裝備，「國難士多」話會「好型」咁免費送裝備畀啲??仔，叮囑啲「童兵」要上齊裝為自由而戰，仲要話世上雖然沒有從天而降嘅英雄，但有12歲嘅??仔挺身而出咁話。12歲都唔放過咁離譜，有唔少仲有啲人性嘅自己人盲睇唔過眼，紛紛大叫「心痛」，又留言求求國難唔好叫啲??仔出去前線「勇武」。
睇返的留言都幾反智，啲黃絲保護孩子嘅方法，可能係好似網友「Dick Lee」咁「錢PM我，我畀正價。裝備畀佢！我吾（唔）想佢無裝備走到咁前」，乜唔係應該叫啲細路返屋企至啱咩？
有黃絲求放過細路
有網友則鬧爆「國難士多」不負責任，好似「Wing Yee Ho」就話「咁如果個細路因為有佢哋的好嘅裝備衝上去，最後死咗，咁國難五金係做好事定壞事。」又質問：「如果有其他12歲細路睇咗依（𠵱）個post，覺得自己都要出去，結果俾人拉咗，咁國難五金使唔使負責任？」
「Wong Kwong Yiu Aric」亦狠批班無人性嘅「手足」，「如果勸個細路唔好上前線係偽善，咁呢個世界都唔會有善良的人，因為你冇為個細路着想。出嚟抗爭的應該係想守護下一代的成年人！」
其實，呢次佢哋講到要送「齊裝」畀班身心都未成熟嘅??仔上去「勇武」，輕則可能令佢哋荒廢學業，重則隨時要留案底、坐監，又可能因為模仿前線嘅暴行，喺學校欺凌同學，甚至就此無咗同情心，大個咗仲要做賊??。唔少仲有少少人性嘅「黃絲」都「心痛」，紛紛懇求「國難士多」放過班細路。
「Michael Wong 」就覺得呢啲責任應該「交比（畀）我哋大哥哥」，唔少「手足」留言認同。「Joe Kwong」亦睇唔過眼話：「求求你，如果見小朋友咁細，請叫佢唔好出去，叫佢哋一定要平安長大，學好外語，學好IT，強身健體，佢哋唔洗（使）靠武力，用腦力都會贏架（㗎），我哋好需要佢哋平安長大。」
其實泛暴派咁樣「害死孩子」認真無恥，𠵱家就算係戰爭都已經唔可以用「童兵」。1949年嘅日內瓦公約都訂明咗國際公認嘅人道主義，「使用童兵」罪指的是「參與武裝衝突」，即唔止包括「直接參與戰鬥」，仲包括利用兒童做誘餌、信差、哨兵，亦禁止利用兒童向前線運送補給品。
被爆黑箱營運 基金流向不明
前日更有「國難士多」嘅前員工「毒×狗公」喺連登開帖爆料，話國難老闆李政熙嘅營運方式大有問題，無論正價同學生價都有利潤，又爆佢哋「私鳥gay（基）金」嘅金錢去向不明，明顯同「黃絲」所謂「不計成本支援抗爭者」嘅初心完全背道而馳，使好多「同事」都已經係十一月尾離開咁話。
其實班「黃絲」唔識諗，買齊裝備令自己完全唔驚食TG，只會迫自己留喺狂扔汽油彈嘅前線。一場可以和平的示威，只會因為人人齊裝而變成「勇武」。「國難士多」只係打住賣裝備「保護手足」嘅招牌，食「人血饅頭」嚟「發大財」。 ■香港文匯報記者 黃書蘭