第二場、第四班、一二○○米。「勇冠多」比較多賽績在泥地錄得，但並非不能應付草地，前季曾冷門身份與「金碧輝煌」串Q時，且是用後勁擒下「威武再現」及「提款機」等對手；大前仗角逐嫌短的一千米，直路已經隱約見到追勢，之後改跑沙田千四，按理應該全無表現，尤其出閘敏捷的牠，一直緊隨前置馬走，步速不慢下，卻一直維持挑戰力，後來與「有錢分」也僅相差一個身位；到上場谷草又交出接近表現，豈能不刮目相看，今次必求一擊即中，以免細馬落到五班，反而進退兩難。
第三場、第四班、一○○○米。「南區寶」四位馬主陳文俊、方文傑、黃靈新與黃焯添同南區息息相關，陳文俊同埋黃焯添正係港超聯球隊冠忠南區嘅主席同埋副主席，方文傑、黃靈新就係冠忠南區嘅名譽會長，難怪佢哋首次夾份養馬，就將愛駒改名叫做「南區寶」，佢哋幾位亦係運輸界強人嘅第二代，黃靈新係「小巴大王」黃文傑之子，亦係上市公司進智公共交通控股嘅執行董事兼業務發展經理，黃焯添就係冠忠巴士主席黃良柏嘅囝囝，今次合作養馬梗係想擦出火花，加上黃良柏係大摩忠實支持者，「南區寶」肯定唔會手軟。