第四場「放眼量」上場二疊跟放入直路到拉士才力弱，走勢比前已有起色，復課拍跳三段加強催谷，分利馬今場大可反守為攻。「醉開心」前仗五班大熱輕鬆兩馬位開齋而回，上場排十二檔焗搶輸形勢，最後以五個馬位見負不算差，論馬目前反彈浪尚未完，今次捲土重來有力再亂大局。
第五場「鼓浪威風」早前跑泥地望空走晒，之後轉來谷草兩戰獲冠季軍各一，質新馬踏上升軌後料可連珠炮發，復課操練工夫更加嚴謹，穩位望贏應可做到。「顯心星」同父馬多遺傳到早熟擅跑短途特性，估計此駒都唔例外，短途性能馬有力一出即打響頭炮。
第六場「心中有您」現比上季贏谷中一哩時已低九分，服役以來首次落到四班角逐，估計形勢上已可反客為主。「力王」上場同程加眼罩第四效果唔差，年長後可能力短，跑千八米以上衝刺力唔夠，馬房繼續安排出戰一哩對症下藥，若前段步速不太慢，是有力後上一網打盡。
第七場「福威勝」今季三戰谷草一哩全部取得獎金，復課由何澤堯一手操好，今次捲土重來決心爭取季內首場頭馬而回。「湛江最醒」前仗在谷草一哩力壓「水箭龜」開齋，上場排位後臨時補出都跑第二，復課操練工夫一絲不苟，團體馬再揀強項上陣有力再接再厲。
第八場「首飾大聖」今季一出即勝田草千二米，之後轉來谷草發展，前仗以四分三馬位只不敵「好好學習」得第二名，前駒之後再出再贏，反映賽事水準唔曳，上場返回田草上陣氣管有血落第，今次抖夠重返谷中上陣又可見真章。「天地人」今季頭兩場谷草千二米一放絕塵，最近兩場不放轉用跟前跟法落第難以作準，今次換人估計會盡量搶前，值得投下信心一票。
第九場「知道必勝」上場重返千二米即大勝，重納正軌可望打鐵趁熱。「手到回來」來港屢拚止於接近，今季更安排易廄發展，連仗走勢試馬味濃，目前評分已在有利水平，今場隨時可以黃袍加身。