【資料速遞】菁年財駿試準起錨

2020-01-21

「菁年財駿」在紐西蘭時兩試大閘，打好晒底先運來港，九月尾在港初出跑谷草千二米，排七檔起步迅即搶出埋欄領放，該賽頭兩段比標準時間快0.16秒，亦快過同晚另外兩組三班同程，結果放到最後百幾米才力弱，而且賽後驗出不良於行，該賽頭二馬「王者奇兵」及「健康在望」之後都一再跑得好，反映該役水準值四班頂級。「菁年財駿」體重不足千磅，之後上從化操練，期間試三課閘，當中有兩次由莫雷拉親自北上出試，動態相當緊張；上場小休三個月復出跑直路賽得第四已試準，今次重返谷賽，面對不少進度未足的質新馬，有力建功。