問：我見你個履歷大部分時間都接受「中國法律」嘅培訓，會不會用北京嗰套對香港人？
答：我去過浦東幹部學院和國家行政學院，都係去咗幾個禮拜；我去咗英國皇家國防大學一年、（美國）聯邦密探訓練4個月，唔通又有人懷疑我同呢兩個國家有關係咩？希望大家唔好太偏頗。
問：你如果引入電槍，會唔會自己身先士卒試一下？
答：咁我哋引入新手槍，係咪又要自己打一槍先啊？
問：「賊王」季炳雄當年被捕，警方又有無用武力拘捕佢啊？
答：你問啱人嘞，當年我就係有份負責，季炳雄當時無𠵱家啲示威者咁典嚟典去，隔籬亦都唔會有人用磚頭丟向警員。
問：你同元朗區議會前當然議員曾樹和關係密切，或者可以解釋到點解自元朗721襲擊事件至今冇警員需要負責任。
答：警方同黑社會勢不兩立。我同曾樹和嘅聯繫，同其他議員的聯繫並無差別，我相信我當時同鄺俊宇仲熟過同曾樹和。
問：點解明明制服咗個示威者都仲要㩒住吽H
答：事實上唔係咁簡單容易就制服佢，我哋仲要幫佢上手銬，過程係一個你死我活嘅掙扎，所以係有必要使用適當武力。
問：只要有警察出現就會製造混亂。
答：只要無暴徒出現搞事，我哋同事都好想回家放假。
問：警察會不會扮示威者去犯法？
答：警察唔會扮示威者去犯法，但暴徒會唔會扮警察就唔敢講。
問：有邊個真係好人嘅會日日講自己係好人？真係冇政治觸覺！
答：我係一個警務人員，的確係冇政治觸覺。
問：警方對各行各業都抱「敵視心態」，希望你哋唔好叫示威者做暴徒。
答：社會人士唔配合警方工作有好多原因，包括我哋要捉犯法嘅人士，但好很多人支持他們犯法，所以就敵視我哋。
問：警方喺過去7個月執勤行動中有否做錯？
答：警方有好多嘢可以做得更好，有個別事件係有做錯，但我無講過警方一樣嘢都無做錯過。