■馬國明自掏腰包於尖沙咀舉行慶功宴。香港文匯報訊（記者 梁靜儀）劇集《白色強人》早前在無綫《萬千星輝頒獎典禮》上奪得「最佳劇集」外，馬國明更憑劇中醫生角色「唐明」首奪「最佳男主角」，前晚他自掏腰包於尖沙咀舉行慶功宴，宴請該劇台前幕後食飯。馬明稱有收到舊愛黃心穎的祝賀留言，他亦有覆她「多謝」，並叫她繼續努力，強調大家還是朋友，當然想對方好。
前晚出席的演員有郭晉安（安仔）、唐詩詠、李佳芯、張曦雯及黃嘉樂等，高層曾勵珍亦有出席，祝酒時更宣佈正籌備開拍《白色強人2》，全場歡呼。
馬國明笑言這次他一個人請大家食飯，再大些的飯局留給安仔請客，不過他又表示不論有沒有獎都會請大家食飯，而這晚是他得獎之後第一餐慶祝飯，因為「鐵馬家族」一班兄弟大家都很忙，鄭嘉穎最難度期，因為他要湊仔，至於林子善亦剛巧不在香港，所以要稍後約齊大家才一次過吃飯慶祝。問到馬國明會否再買樓獎勵自己？他笑說：「你估我中咗八千萬六合彩呀？（多咗好多廣告出街？）都係攞獎前拍嘅。」
他又透露稍後會到廣東及新加坡登台，談到新型肺炎襲港，問他會否跟粉絲接觸時保持距離？馬明說：「都會做好防禦措施，例如戴口罩，同觀眾握完手都會洗手，握手氣氛會好啲，（酬勞好好？）OK啦，今年經濟麻麻，積穀防飢，以前呢個時候好多Annual Dinner活動，今年得返一、兩個，（得獎後有冇加價？）唔敢加價，我唔介意平少少接job，價錢由公司定，總之一個字：抵。」
此外，其舊愛黃心穎在他得獎後於網上留言，力撐他應該更早得到最佳男主角獎項。問到馬明可有收到心穎祝賀？馬明大方承認有收到：「我都有覆佢一句多謝，都有叫佢加油，繼續努力，（有冇約你食飯慶祝？）冇呀。（最近心穎被拍到整個人消瘦了？）係咪keep fit啊？其實我真係唔知，我冇睇過啲相，（有冇關心吓？）我都有叫佢加油，我哋都仲係朋友，朋友梗係想朋友好。」
對於陳國強辭任董事局主席及非執行董事職務展開退休生活，馬明表示基本上他只接觸劇組同事，管理層一年才見一兩次，更不會約他們吃飯，他又笑指聽聞對方好有錢，若他有對方的身家一早已退休，夠錢便會退休。問他還差多少？他笑謂還差很多。
張曦雯祝陳國強退休開心
同場的張曦雯（Kelly）在《萬千星輝頒獎典禮》奪得「飛躍進步女藝員」，Kelly笑說：「本來諗住同馬國明一齊夾份，點知佢話佢請，咁唯有下一次再請，一定有機會。」問到她攞獎如何慶祝？她透露男朋友有送花，但因家人都不在港，加上現時要拍《踩過界II》，同張振朗開工一齊慶祝。Kelly透露稍後劇集將出發到緬甸拍外景，打算帶媽媽同行。
Kelly表示農曆新年會有三天假期，不過她卻想開工，她笑說：「因為我屋企人唔喺香港，男朋友又係外國人，除咗初一去婆婆屋企拜年，之後同男友喺屋企打機。（婆婆會唔會催婚？）唔會，佢最開心係見到我攞獎，佢係無綫劇集粉絲 ，所以台上都有多謝佢，我諗住拎埋個獎同婆婆拜年，等佢開心吓。」
問到她可會買禮物獎勵自己？Kelly笑說：「冇喎，我一向對自己不薄，都幾捨得使錢，可能會請男友食飯，因為呢行時間顛倒，開工都少時間見，多謝佢容忍到我嘅工作時間。」
提到跟她曾傳緋聞的陳國強宣佈退休，辭任電視廣播主席兼非執行董事，她說：「呢啲係大人啲事，作為藝人有機會就將工作做好。（覺得緋聞終於可以畫上句號？）希望佢退休生活開心，我知一路都有人咁講，但希望大家睇到我進步同成績，而唔係靠邊個。」