香港文匯報訊（記者 梁靜儀）黃浩然近日接受香港電台第一台《舊日的足跡》節目主持車淑梅訪問，大談近況及工作目標。
看似活潑好動的黃浩然在節目中坦承自己是個沉悶的人，他笑說：「雖然讀大學時是跳舞學會主席，以往都很高調，但現在回想起自己都想作嘔。」
他謂當年畢業後只想找份安穩工作過一生，卻給他遇上師傅杜琪峯，並參演了電影《十萬火急》，從此踏上星途。 首次見到自己現身大銀幕，浩然坦言非常有滿足感，自此醉心夢工場，可惜入行後，遇上香港電影開始不景氣，於是轉戰電視界，很快便當上男一，一劇接一劇。
繼《多功能老婆》後，浩然有份演出的新劇《法證先鋒 IV》近日正在熱播中，他坦言對新劇寄望甚殷，為了有更好的演出，事前他重溫之前三集《法證先鋒》（系列）：「小青姐（梅小青）要求好高，人人拍古裝都唔敢畀佢望太耐，因為個妝隨時要從頭執過......佢（小青姐）事事親力親為，驗屍咁驗。今次劇本好精細，演員要 95%跟晒台詞，唔係人人都食得起，我當然不敢怠慢，食飯、瞓覺、上洗手間都在背台詞，我現在發音標準咗好多。」
自認麻煩友難服侍
原本他的對手是黃心穎，因「安心事件」戲份要重拍，他會否感到可惜？浩然直言都擔心劇集不能播出：「幸好有三個好彩：好彩公司畀咁大資源重拍呢部分；好彩所有演員都有期；好彩我未剪短頭髮......其實同心穎合作好好㗎！係好愉快嘅經驗。」雖然心穎已返港，但浩然表示大男人一個不會騷擾她，如果她要約他們隨時歡迎，相信她自己可以復元到。
之後劇組換上湯洛雯（靚湯）頂替心穎的角色，浩然表示靚湯都好有經驗，所以去台灣拍外景前兩日，他們排晒戲才出發，現場拍攝一氣呵成。
近年主力拍電視劇的他，對電影圈始終有份情意結，他笑說：「希望師父杜琪峯唔好咁快退休，我要做佢一套戲嘅男主角。我𠵱家係電影圈新人，希望同新一代擦出火花，我要落力去做，取得觀眾認同才算任務圓滿。我一直覺得自己係『麻煩友』，連太太都話我難服侍，其實我已經改咗好多，我嘅字典係你唔鍾意我，都唔好憎我！仲有，六年前因大病失掉《張保仔》主角之後，我更加明白家庭與事業取得平衡仲未足夠，要家庭、事業同健康三線並行先算成功！」