香港文匯報訊（記者 梁靜儀）倪詩蓓前晚宣佈加盟新城電台，開咪主持一連52集節目《詩情廿四味》，為期一年，每集都會邀得不同嘉賓上節目傾偈，前晚第一集邀得麥長青（麥包）擔任嘉賓，在新冠肺炎疫情持續嚴峻下，麥包依然沒甩底，令倪詩蓓大為感動。
麥包笑言小時候睇對方的劇大，受邀請感榮幸，倪詩蓓即向對方笠高帽，自認是麥包的粉絲：「我在新加坡生活十幾年，好悶，麥包有份演出的劇集錄影帶都有買來睇。」談到工作，麥包表示受疫情影響，香港很多演員都冇工開，自己拍了個網劇，原定三、四月播出，但現時未知會否因疫情延期，他說：「現在個個都困難、辛苦，好少人出街，我去買外賣，食店都多謝我支持，希望疫情快啲過，大家有工開。」近日不少藝人免費派口罩給市民，麥包表示自己都有幫人捐口罩給醫護、診所、庇護工場。
對於有無綫化妝師在郵輪「鑽石公主號」確診，麥包表示不知患者是誰，也想八卦一下及關心舊同事。
提到有電台通知員工要放無薪假期，變相減人工，問到倪詩蓓酬勞方面可有受影響，她說：「暫時冇影響，等公司決定，不過有幾個嘉賓因為疫情唔想出嚟，要取消或延期，我都明白。」