■ 可嵐(右)開設的食店處於試業階段。香港文匯報訊 藝人可嵐新開設的食店近期處於試業階段，日前她接受香港開電視《娛樂頭條E-news Headline》訪問，表示正努力於「疫境」求生：「對我嚟講喺呢個疫情下經營，打和已經當贏！最緊要確保員工有份工，有收入！現時我將員工嘅工時縮短咗，同時將餸菜改以真空包裝出售，咁會比較衛生！」
身為食店老闆，可嵐透露近期不斷四出搜羅消毒用品：「我自己買咗啲消毒搓手液放喺舖頭，都幾難買！我原本有200支貨，點知疫情出現，得番20支畀我！」
市面除了消毒用品短缺，可嵐對一罩難求亦感無奈：「原本我以為屋企得一盒口罩，點知工人執執吓嘢發現多一盒，感覺開心過執到金！我成日覺得口罩就好似條命咁，有命先出得街！」