■ 李泳豪指無考慮要求員工放無薪假。香港文匯報訊（記者 梁靜儀）李泳豪昨日返電視城開工拍攝處境劇《愛．回家之開心速遞》，談到在新冠肺炎疫症肆虐下，不少食肆生意大跌，問到泳豪旗下的食肆生意可有受疫情影響？他表示旗下經營的四間食店包括兩間拉麵店、一間燒肉店，以及入股父親李家鼎（鼎爺）的中菜館都照常營業，生意尚算頂得住：「有輸少少，點都會輸㗎！又唔係完全冇生意，一時好多人，一時又靜啲。」他透露幾間經營的食店都有跟業主商討減租，暫時只有佐敦店成功爭取減租三成。至於逆市中可有要求員工放無薪假或減薪？泳豪說：「我哋冇考慮呢個計劃。」
他又指鼎爺的食店於山頂開設，現正試業中，原定今個月舉行開幕禮，因受疫情影響而取消，他說：「因為間舖簽咗約，所以疫症爆發後都照開業，雖然少咗遊客，但多咗香港人幫襯，多咗人上嚟唞氣，加上我哋個舖有露台畀客人休息，生意都OK，都估佢唔到。」
提到近日相繼有市民因聚餐而感染病症，問到泳豪可有在食店內加強清潔消毒？他強調員工有戴口罩外，又設有消毒用品及加強了清潔，原本都想安排客人入座前量度體溫，但他們覺得有少少尷尬，都不鍾意。至於可有控制人流？他說：「都唔擔心人流太多聚集，因為拉麵店每日只供應100至120碗麵，想控制食品質素，賣晒就收工，而燒肉店係一人一爐。」