有啲人煽動人哋子女幫自己做嘢係一套，去到自己至親度又行緊另一套。「亂港四人幫」頭目黎智英利用壹傳媒大肆煽動年輕人參與亂港，又搞起乜「黃色經濟圈」，但就安排自己個仔靜靜雞發大財，所以佢次子黎耀恩喺中環嘅「四季常餐」從來都未表明自己嘅政治立場，叫班黃絲雲裡霧裡。不過呢間餐廳??家係黃藍都唔幫，因為佢之前被踢爆，曾經畀客人飲二手凍檸茶，令市民鬧爆，紛紛話唔再幫襯，更有人擔心，疫情當前，咁做分分鐘害死人。
教人哋就政治凌駕一切，教自己個仔就睇緊自己利益。黎耀恩嘅「四季常餐（冰室）」喺過去大半年黑色風暴下，從來未有響應老竇嘅號召加入所謂「黃色經濟圈」，亦都未有好似老竇口講咁政治至上。所以喺連登仔最愛之一嘅fb專頁「西客之道 Hispitality Secret」中，「四季常餐（冰室）」嘅黃藍立場係「有爭議/立場不定」，話網民有不同說法，但間餐廳就從來未有澄清。
子女從來有樣學樣，黎耀恩同佢老竇一樣，為咗利益，唔小心跌咗個良心。近日，佢間餐廳就被踢爆將客人飲過嘅凍檸檬茶再畀另一位客人飲。爆料網民就話，自己叫咗杯走甜凍檸茶，但侍應就上咗杯勁甜，網民叫佢換過杯後，侍應竟將佢飲咗嘅嗰杯擺喺雪櫃，而唔係扔咗吽A之後更親眼見到侍應喺雪櫃攞返嗰杯飲品畀其他客人。
見件事喺網上發大咗後，「四季常餐」就喺facebook跪低，話翻睇咗CCTV證實其事。食物環境衛生署噚日都表示，接獲與查詢事宜相關投訴。
唔少熟客得悉醜聞後都大呼救命。「Stella Shea」話：「睇見就嘔心！呢世都唔會再去！仲要??啲時勢都咁！快啲執咗夆捸I」「Vivian Li」就揶揄間餐廳應改名做「二手常餐」。
多士咬過啖 侍應照送餐
最可怕嘅係，原來今次並唔係「個別事件」，網民「Sam Poon」去年11月就發過帖，話侍應將佢碟炒蛋多士同同枱另一個人嗰碟調轉咗。人哋食咗幾啖後佢發覺唔妥，侍應就偷偷入廚房將兩碟調返轉就算，但被踢爆後侍應就唔肯幫佢換。
喺附近返工、之前都成日幫襯嘅「Andras Chan」亦話：「（我冇再去食）係因為有次下午茶時段，見到個紋哂（晒）身嘅廚師企响廚房門口啪啪聲剪指甲。」
對於「四季常餐」炒咗涉事伙計，唔少人覺得黎耀恩只係搵替死鬼。「Carmen Au」爆料，稱自己有個朋友喺入面做，「佢話係老闆叫d（啲）員工回收做二手食物㗎喎，唔聽指示就會被炒！」「Siu Siu 」亦覺得「唔係上頭指示，下面點敢咁做。打工者（啫），你唔啱食未換過佢，洗（使）同你慳？一定係上頭落曬（晒）」。
網民質疑肥黎子落指示
「Billy Chan」分析：「成個雪櫃預設咗做二手食品供應，事件涉事伙計有兩個，其他伙計同管理層唔知呢個雪櫃放乜？咪當香港人白痴。」「Tse Wing Kai」擔心「今時今日這樣做隨時害死人。」
有人就話老闆係黎智英個仔，係「黃色自己人」，「Brian SoSo」反問：「黃店又點？唔通呢啲衛生問題係黃店就會原諒佢？」「KooVin Ke」直言：「唔係黃藍嘅問題，係做生意本心唔在於提供良心食物嘅問題。」
公民黨成員林瑞華就發帖，試圖為黎耀恩「呼冤」，結果亦被鬧埋一份。「Bi Bi Tou」揶揄：「黃店都5（唔）係大L晒，慣犯黎（嚟）啦......無運行架（㗎）喇，快執×左（咗）佢啦！」
■香港文匯報記者 文根茂