■ 李女士不少滯留武漢的港人都向香港文匯報記者表示，日常生活物資仍然足夠，心情亦相對平靜，但「真係好想返香港」，因為已經無返工一個多月，手停口停，「??家喺度用積蓄度日，再無收入隨時屋租都交唔到。」
李女士（Phoebe）1月21日回武漢探親，豈料武漢於23日「封城」，她因而滯留至今。過去一個多月來，她未曾踏出小區半步：「最多都係落樓下拎菜，之後就上返嚟。」她雖然被困家中，但心情未有被新冠肺炎影響，一來她居住的小區「零感染」，二來家中有家人陪伴；反而因未能回港工作而感焦慮：「（香港單位）已經白交租咗兩個月，加上其他保險等費用要交，真係坐吃山空。」
從事旅遊業的Phoebe，其旅行社要求員工放取「無薪假」至4月：「如果喺香港，我仲可以搵啲兼職幫補下。但??家就算返到香港，仲要隔離14天，好多工都俾人搶晒。」她直言，現時只是以積蓄度日，若找不到兼職，隨時屋租都交不出來。
上機會多戴口罩
對於政府派包機接港人回港，Phoebe指出很感謝政府，目前心情放鬆了一點，但認為遲了點：「我哋2月中喺新聞已睇到話會派包機，但一直都無，個心一直掛住，有時會係咁掃手機，睇下有未。」Phoebe笑言，上機時會多戴幾個口罩：「我咁多日都無事，一定要安全到尾。」
陳氏一家三口亦因探親而滯留武漢1個多月，希望可以盡快回港。做電工的陳生公司雖然未有扣人工，但公司已「不斷詢問」他何時可以回港。陳太直言：「公司算好好啦，但如果真係再唔返工，咁你諗都諗到會有危機啦！」陳太自己則是做兼職，公司已稱「唔使返工」了。陳太又說，囡囡在武漢感到水土不服：「睇到佢唔舒服，我哋心都唔好過。」■香港文匯報記者 明其道