朱智賢表示暫未有結婚打算。香港文匯報訊 （記者 梁靜儀）朱智賢昨日返將軍澳電視城為無綫新劇《食腦喪B》開工，拍攝一場產子後的戲份，她笑言現實中喜歡生女，因女兒較嗲及可以為她扮靚。
她自爆小時候會偷用媽咪的指甲油及面膜，但到青春期額頭經常都生暗瘡，才知面膜因為有化學物質，不宜太細個用。
她又提到日前出席同學婚禮，發覺很多朋友都已結婚及生B。笑指她與謝東閔仍在發展地下情，朱智賢聞言即笑說：「現階段搏殺期，過後就冇，畀呢幾年盡做，（可有計劃結婚？）冇Plan幾時結，父母冇催婚，因為哥哥都生咗小朋友，（同男友有共識？）共識係大家要有好好經濟基礎先。」
她又透露男友近日拍完新劇，又要推出新歌，但都有抽時間幫她照顧她患有心臟病的愛犬。對於謝東閔在新劇《香港愛情故事》中的造型要黐假鬚，朱智賢笑說：「佢本身冇乜毛，我成日話佢女性荷爾蒙過多，覺得佢男生女相，但佢黐咗鬚之後又好鍾意，都諗辦法想自己多啲鬚，（佢有冇用鬚拮你？）冇，我本身唔鍾意有鬚既男仔，但𠵱家覺得佢幾Man。」