■家燕姐透露基於疫情關係，當晚《流行經典50年》的節目內容會以發放正能量為主題。憂交叉感染 慶幸遊輪表演改期
香港文匯報訊（記者 梁靜儀）薛家燕、區瑞強、謝雪心等前晚為無綫節目《流行經典50年》錄影。家燕姐透露其藝術學校也在停課中，但學生們也特別錄製一首叫《信望愛》的打氣短片，發放正能量，齊心抗疫。另家燕姐原定下月中與黎耀祥上遊輪表演，她表示起初都驚，因大家都不知自己有否帶菌，幸好現已改期。
穿上低胸晚裝、谷出4吋「事業線」的家燕姐透露基於疫情關係，當晚的節目內容會以發放正能量為主題，她特別挑選時裝版《皆大歡喜》主題曲，造型師更特別為她設計晚裝，不過當穿上服飾綵排時，助手就提議她換另一套衫：「助手問我使唔使換過第二套衫，因為當我唱到『震同登』嘅歌詞時，畫面好震撼，所以我同導演講拉wild shot，冇謂影響大家，唔好令大家瞓唔着。」
談到其藝術學校可有受疫情影響生意？家燕坦言自從1月尾開始已沒有安排學生上堂，前日教育局又宣佈4月尾先復課，雖然家長們都明白，但學生就不慣太耐冇得上堂，她說：「啲學生好想返嚟唱歌跳舞，但網上教學就難少少，現在又停課兩個月，啲學生好掛住我，我都好掛住佢哋，我就將學生send畀我嘅打氣短片輯成一首叫《信望愛》嘅短片，放上社交平台送畀香港朋友，希望發放正能量，一齊對抗疫症。」
除了生意受影響，家燕姐表示工作亦有受影響，原定3月中與黎耀祥上遊輪表演，幸好現已改期：「都驚，因為上到船唔知自己有冇菌，仲要困住咁多日，（收入有影響？）有呀，但冇法，所以平時忙係應該，積穀防飢，現在想做都冇得做，食緊啲翩A但都OK。」
區瑞強認同應少聚餐
區瑞強和胞妹區桂芬當晚擔任嘉賓，兩人合唱一曲《問》，原來非職業歌手的區桂芬正是該曲的原唱者，當年她參加創作歌唱比賽，並奪得創作組冠軍，但之後並沒有入行。她表示今次是應哥哥邀請上節目，笑言已很久沒有唱歌了，並透露目前經營音樂教室。區瑞強表示家族遺傳很多個都識唱歌，他的哥哥會打Band，妹妹和弟弟亦會唱歌，不過一家人沒有試過一齊夾band。
另外，問到區瑞強可是明星足球隊的成員？他表示本身是明星足球隊其中一位創辦人，當年與曾志偉、譚詠麟、陳百祥、張國強等人創辦明星足球隊。早前明星足球隊與警察舉行飯局？當日未有出席飯局的他說：「永遠都係踢完波一班人去食飯，不過我已經有十幾年冇踢波啦，因為我怕受傷，好似志偉咁，次次都坐輪椅出嚟，現在我專心打高爾夫球 ，（可擔心他們易受感染？）佢哋百毒不侵，（但政府呼籲市民不要聚餐？）係咩？少啲啦。」