第六場､第三班､一六五○米。「勁駒」今季初出跑過四仗，第二仗出爭田草千二，二檔起步慢閘，末段兜出外疊後追有力﹐最後只負頭馬「聚才」兩馬位得第四，後駒剛戰已勝出二班賽，「勁駒」現評六十七分只孭一二零磅爭谷草一哩，回配於該役跑近嘅何澤堯執韁，隨時會有佳作。
第七場､第三班､一六五○米。「歡樂神駒」六歲仔上季起在港服役，當時兩戰皆於田草一哩入位。「神駒」系主要馬主余潤興喺上周三谷草一班一哩贏「協霸神駒」，累積名下四駒季內均曾獲勝共取五W，如今輪到由其子余國賢擁有的「歡樂神駒」接力跑谷戰三班一哩，配豐仔上陣自然讓人有所憧憬。
第八場､第三班､一二○○米。「手到回來」五歲南半球早熟快馬，至今已獲一冠一亞三季，表現以跑窄場較好，贏馬一役是評六十八分跑同程殺低「綠色勇駿」；上仗轉戰千四，四十六倍大冷以均速跑入位，打仔馬正值勇境，今晚復爭勝途兼配綸仔主轡排位又好，只要起步快跟在前，隨時冷門再爆一劑。