第五場「達龍駒」前仗香港金盃一級賽跑第四見復甦，今次重返勝途把握到機會力爭季內首捷。「鷹雄」上場香港金盃後上第五復見追勢，由國際一級賽重返一班賽對手大幅減弱，有力挑戰大局。
第六場「友誼之星」近兩場後上第五走勢唔差，今次落班立即返回沙田草地勝途列陣，任何一駒想贏馬都要過呢關。「勁力威龍」今季出道六戰千二至千四米全部取得獎金，近兩場加眼罩都見早段起動慢跟得辛苦，應是合適時候增程了，睇通對手之下有力在此突圍。
第七場「旺蝦王」出賽以來十六戰獲十勝五位，僅一次不入三甲，堪稱本港目前最佳灰馬之一，上場由雷神接手即贏馬交代，人馬復課贏好泥閘明刀明槍，正常發揮料連捷望濃。「忠心勇士」國際賽後曾經輕微發燒，幕後因狀態不足而避戰百周年紀念短途盃，今次養精蓄銳而來，以逸待勞下定可予大局威脅。
第八場「幸運傳奇」上仗初出不敵「北極光」跑第三名走勢不俗，汲取一場實戰經驗再來有力提升名次。「無心睡眠」原本報跑剛周三泥地但名列後備一請纓無路，今次匆匆持保護權轉跑草地決心打硬仗，大摩目前上陣馬不會作任何保留，質優馬值得捧場。
第九場「平海掌星」兩次贏馬姿態確實有餘未盡，莫雷拉鍥而不捨亦可信賴，此件綵衣志在贏馬不計賠率價位。「星叻」連續兩場田草千二米獲取亞季軍一，走勢甚為吸引，看來目前性能不止泥地才合跑，團體馬今次捲土重來料補中不難。
第十場「廣陵王」上季新馬賽狀態未及爭勝水準，仍能後上衝贏「荷花福星」而輸給「忠心勇士」盡顯潛質，大前仗插班初出，面對作戰經驗豐富的三班對手，竟以天馬行空般後勁衝贏，質素肯定超過一百分，最近兩場倒灶不足為據，今仗捲土重來料可收復前失。「紀利雄星」跑三班同程向來穩打穩紮，本身狀態維持得相當穩定，前駒若再有閃失又可代之而起。