■蔡思貝香港文匯報訊 （記者 梁靜儀）蔡思貝昨日返將軍澳電視城為新劇《踩過界II》開工。
思貝透露劇集快將煞科，日內就會到大澳拍外景，其中有一場她飾演的「癲姐」要吊威吔在遊艇上拯救「盲俠」王浩信。問到屆時會否親身上陣？她說：「盡量都會親身上陣，我游水都OK，本身都鍾意滑水，同埋上星期播出嘅《機場特警》，有一場戲講我要跳落海救個小朋友，出來嘅效果好好，原來親身上陣係值得，唔使左就右就（鏡頭）。」
由於外景隊會在大澳拍攝一星期，路途遙遠，為免舟車勞頓及爭取時間拍攝，她都會留在大澳，並笑言心情有如小學生去露營很興奮，因還是第一次為了拍劇而去離島一星期。問到有何準備，她說：「冇乜準備，加上每日都係着戲服，唔會帶太多嘢，就當係修行。」