■香香認為每對父母都有不同的湊仔方法。香港文匯報訊（記者 梁靜儀）岑麗香（香香）昨日於電視城拍攝新劇《BB大晒》，曾與羅仲謙及楊怡合作拍劇的她，對於二人榮升父母誕下B女，她亦感到很開心：「我已like咗謙仔同阿怡喺IG公佈喜訊既post，稍後會再正式傳短信恭賀佢哋。」
問到香香會否向這對新手父母分享湊仔經？香香表示：「每對父母都不同，各有自己的湊法，如果佢哋問起或大家傾開都會分享一下，我祝福佢哋每日都開開心心，最重要身體健康，有多啲休息，我亦希望BB日日都開開心心，食得、瞓得同屙得，早啲戒夜奶，對父母都好啲，希望有日我哋嘅小BB可以一齊玩。」
產後火速收身的香香，被問到會否傳授瘦身心得？她說：「呢個要慢慢嚟，要先讓身體休息好，到適當時候至做運動，同埋要勤力搽油去妊娠紋，仲有紮肚都有幫助，如果需要有關資料，我一定會推介畀佢。」