■王梓軒炮製400次咖啡。香港文匯報訊 在剛過去的星期於劇集《機場特警》中，由王梓軒飾演的齋Sir與鄧佩儀（Gloria）飾演的阿銀開始發展戀情，而現實中身處洛杉磯的梓軒日前約同Gloria做IG live，隔空炮製400次咖啡兼談情史。直播中，梓軒直言喜歡獨立自主的女性，跟劇中的阿銀有幾分相似，梓軒話：「能夠排除萬難去堅持自己嘅理想，有自己嘅諗法，意志夠堅定，唔怕辛苦，但喺某啲情況下，對住某一啲人，佢又會畀到愛心你睇，有脆弱嘅一面，呢種女仔真係好正！」Gloria笑指：「我同阿銀都好似㗎！」
兩人過往有不少刻骨銘心的情史，梓軒曾經寫過情信向女仔示愛，梓軒：「我好鍾意文字，好鍾意創作，我係有寫過情信！試過飛紙仔，一嘢飛機咁飛過去，亦試過摺埋咗張紙叫啲同學傳過去都有......」
鄧佩儀難忘錫紙包禮物
而Gloria當年在外國讀書，因為全部都是用locker，無人會寫情信，不過情人節就好特別，Gloria說：「大學嘅時候，每到情人節，學校有幾個學生會搞個event，如果你想secretly送朵花同note畀你鍾意嘅人，但你又唔想畀佢知，你畀錢佢哋，呢一班人就會去佢哋個課室送，我每年都好期待有男仔送，但一次都冇收過，反而我有secretly買畀我暗戀嘅同學，but我冇寫係我。」
Gloria又指：「記得有一年送禮物，屋企冇晒花紙，我就用咗錫紙包，包完拎咗份禮物去佢屋企交換禮物，佢收到時喺度笑，變成好sweet囉！以後每個周年我哋都用錫紙包禮物。」