第二場、第四班、一八○○米。蘇保羅七歲馬「金如意」，在港跑千六米或以下路程，十五戰都不上名，擅跑中長途的性能不言而喻，上年尾十二月配梁家俊跑三班田草千八，當時評六十三分得第三，之後幾仗縮程跑較短路程，都是居後跟跑而回，連場落敗成功減分，類似部署手法的廄侶「連利之星」，降第四班後的第三仗郁手搏殺跑第二。「金如意」上仗回師贏馬路程，更強配法國籍好手賀銘年，臨場獨贏賠率只得八倍左右，可見春江水暖鴨先知，可惜沿途甩口未能發揮只係輸意外，今次賽前試好大閘操好而來，分利勇馬值得贏位兼投。
第六場、第四班、一二○○米。「騰龍超影」屬谷草專家，而且特擅千二米途程，歷來獲得的兩贏十一位中，僅有一席季軍是田草取得，而當中兩贏九位正正是在谷草千二米取得，話其係同程專家一點也不誇張，既然你知我知馬房都知，但蘇保羅一口氣安排近三場轉戰田草，照計抱減分心態相當明顯，惟細心觀察，近仗出戰盲門都一再跑得接近，當中兩場更取得獎金，目前評六十三分為服役新低點，如今重返首本路程千二米已亮起出擊信號，八歲老馬逢迴光勇兼有好分頭，難道幕後仲會等嗎？