【資料速遞】鎮山寶在勝利邊緣

2020-06-12

人生如戲相信大家成日聽到，人生有高低潮好正常，好多事仿似有劇本一樣，即使你花光心計，精心佈置，但最終嘅結果往往卻又未必如你所想，放眼馬圈亦如電視劇，有人風光得意，有人敗走離場，完美演繹出人生如戲呢四個字，就好似家陣嘅練馬師龍虎榜，開季前相信無人會估到姚本輝咁勁揪，喺練馬師榜彈出帶頭，事關普羅馬迷大多睇好神仙倉蔡約翰，完全出乎意料之外，目前姚廄仍壓住告東尼，睇姚廄今次所擺嘅強陣，似想進一步掟甩對手，「富高八斗」及「鎮山寶」上次俱跑第二，今次只要臨場有幸運之神幫幫手，補中無難度。